ما كنـــا خـِلِصْـنــا
::::::::::::
يا قلبي إنت لسّه عايش.... بتحس بنبض جراحنا
فيك لسـّـه حيــــــل ........ وآلامك تخفي فرحنا
عندك أمل في الحب....وحبيبك يجـي يصارحنا
والنهاية إنت عارفها.....وصداها أخرس ما بُحنا
ما كنا خِلصنا يا قلبي ,ولا ّ أنت ناوي تفضحنا.!
كل ما أشوف قمر ............. أقول حبيب وجالي
أشوف الشمس أكبر............ أقول بالضبط خيالي
والحق دنى وقرّب............... وعزاه أهوّن لحالي
وأشوف سناه أهرب .............. وسنا الحق عالي
ولإمتى حقف واستنى .... وجراحك أكدت مُحالي
ولحبيبي أفضل أتمنى............ وقراره جه ببالي
رفـَض الحب يجيني ........ ورفضه عزيز وغالي
نسيت وكويت آلامي ....... ومشيت طريقي طوّالي
نسيت مطلب سنيني ........... نسيان الوهم أحلالي
اليوم بيعدي بآلامه..... جرحـُه صوته عالي
وحلمي قلق منامـُه .....كابوس زعيقـُه ندالي
وقلبي حالـُه ضاقت ,وإحنا في إنصاص الليالي
لإمتى حتفضل تإن...... وإنت العالم بحالي
لقلب حبيبك يفوتك ........ ويسيبك إنتّ تلالي
وأناتك في نفسي تزن ... وياربته بس يفضالي
حبيبي يا غايب .......... ياسبب ما جرالي
مش حقلك فيك دايب ......كان مالك ومالي
حقلك كلمة واحدة ......... حط نفسك بدالي
وإحرم نفسك مني ........ وإمنع طيف خيالى
وقوللى اللى إنت حاسُّه..حتقول ياريته ما جالي
حبيبي رأيك يفيدني..... قوللي وبكل صراحة
قلبك كان واعدني .......... وحنانه ليّا راحة
راحتي ألقاك في جنة....... وهيّ أوّسع ساحة
ساحة ينسى فيها .............. قلبي كل جراحُه
ساحة ينسى فيها,, قلبي كل اللى راحــُه